Kung Fu Panda (2008) Sinhala Dubbed | මකර රණශූරයාගේ ආගමනය [සිංහල හඩකැවූ]

"පෝ" (Po) කියන්නේ නූඩ්ල්ස් කඩේක වැඩ කරන, කුංෆු ගැන ලොකු හීන දකින, ඒත් ටිකක් විතර කම්මැලි, මහත පැන්ඩා කෙනෙක්. එයාගේ තාත්තාට ඕන වෙන්නේ පෝ නූඩ්ල්ස් ව්‍යාපාරය බාරගන්නවා දකින්න. ඒත් පෝගේ හීනය වෙන්නේ එයාගේ ආදර්ශමත් වීරයන් වන "Furious Five" (දරුණු පස්දෙනා) වගේ කුංෆු සටන්කරුවෙක් වෙන්න. දවසක්, පුරාණ අනාවැකියක සඳහන් වෙන "ඩ්‍රැගන් වොරියර්" තෝරාගන්නා උත්සවය පැවැත්වෙනවා. මේ ඩ්‍රැගන් වොරියර්ට තමයි, හිරගෙයින් පැනලා එන දරුණු දුෂ්ටයා "තායි ලන්ග්" (Tai Lung) පරාජය කරන්න පුළුවන් වෙන්නේ. හිතාගන්නවත් බැරි විදිහට, අහම්බෙන් වගේ මේ ගෞරවනීය තනතුරට තේරී පත්වෙන්නේ අපේ කතා නායකයා, පෝ!
කුංෆු ගැන කිසිම දෙයක් නොදන්න පෝව, මාස්ටර් ශිෆු (Master Shifu) සහ Furious Five පිළිගන්නේ නම් හරිම අකමැත්තෙන්. නමුත්, කෑමට තියෙන කෑදරකම පාවිච්චි කරලම, මාස්ටර් ශිෆු කොහොමහරි පෝට කුංෆු උගන්වනවා. ඇත්තටම පෝට පුළුවන් වෙයිද තායි ලන්ග්ව පරද්දලා, සාමයේ නිම්නය (Valley of Peace) බේරගන්න? ඒක දැනගන්න නම් ඔයාලා චිත්‍රපටය බලන්නම ඕනේ.